ҮЙЛДВЭРИЙН
ДЭД БҮТЭЦ
Төслийн дэд бүтцийг бие даасан байдлаар шийдвэрлэхээр төлөвлөсөн байна. Төслийн цахилгаан хангамж, усны хангамж, дулаан хангамж, хог хаягдал, бохир усны шийдэл зэргийг дараах байдлаар шийдвэрлэхээр төлөвлөжээ.
ЦАХИЛГААН
ХАНГАМЖ
Цахилгааныхаа хэрэгцээг өөрийн дэд станцаар дамжуулж төвлөрсөн системээс авсан байна.
ХЯНАЛТЫН
КАМЕР
7 хоногийн 24 цагийн турш ажиллах бүрэн камержуулалттай.
ДУЛААН
ХАНГАМЖ
Тус үйлдвэрийн байрыг халаахын тулд 1.2 мвт хүчин чадалтай DZL маркийн уурын зуух суурилуулахаар төлөвлөсөн.
Уг уурын зууханд алаг толгойн нүүрс түлэхээр төлөвлөж байгаа бөгөөд оргил ачааллын үед хоногтоо 0,5 тн нүүрс түлдэг байна.
Уурын зуухнаас гарах хаягдлын тооцоог БОАЖЯ-аас 2019 онд гаргасан “Агаар бохирдуулах бодисын хаягдлын тооллого хийх аргачлал”-ын дагуу тооцож үзвэл жилд 4635 кг хаягдал гарахаар байна.
УСНЫ
ХАНГАМЖ
Сүхбаатар аймгийн Баруун-Урт суманд байрлах “ХИЙМОРЬ СҮХБААТАР МАХ ИМПЕКС” ХХК-ийн “Мал төхөөрөх, мах, махан бүтээгдэхүүн боловсруулах үйлдвэр” нь одоогоор хэрэглээний усыг 170 м-ийн гүний худаг гарган хангаж байна. Мөн 60 тн-ын багтаамжтай усны ёмкостыг суурилуулсан бөгөөд “Дөрвөлж” ОНӨААТҮГ-ийн газартай 7 хоногт 3 удаа 1 өдрийн 20 тн-оор ус зөөх гэрээг байгуулсан байна.
ХОГ
ХАЯГДАЛ
Тус төслийг хэрэгжүүлэхдээ хог хаягдал зайлуулах асуудлыг “Хог хаягдлын тухай” Монгол улсын хуульд заасны дагуу Сүхбаатар аймгийн Баруун-Урт сумын захиргаатай “Хог хаягдал тээвэрлэн зайлуулах” гэрээ байгуулж шийдвэрлэнэ.
_edited.jpg)
БОХИР УСНЫ
ШИЙДЭЛ
Төсөл хэрэгжих үеийн шингэн хаягдлын эх үүсвэр нь:
-
Төхөөрөх үйлдвэрээс гарах үйлдвэрийн бохир ус
-
Хоол бэлтгэлийн явцад гарсан бохир ус
-
Цэвэрлэгээнд хэрэглэсэн бохир ус
-
Ариун цэврийн өрөөнөөс гарах бохир ус зэрэг болно.
“Хийморь Сүхбаатар Мах Импекс” ХХК нь Бүгд Найрамдах Чех Улсын “Khaanzaa” ХХКийн өдөрт 10 м3 ахуйн бохир ус ба 50 м3 махны үйлдвэрийн бохир ус цэвэршүүлэх хүчин чадалтай бохир усыг цэвэршүүлэх иж бүрэн систем суулгаж шийдэхээр төлөвлөсөн.